जवळार्जुन गावात सरपंच पदावर चुरस; ग्रामस्थांच्या मध्ये उत्सुकता; गावचा कारभारी कोण ?????
मुख्य संपादक सह्याद्री माझा हनुमंत वाबळे:
उपसंपादक नवनाथ राणे:
जवळार्जुन गावात सरपंच पदावर चुरस; गावकऱ्यांमध्ये उत्सुकता
जवळार्जुन (ता. पुरंदर)
जवळार्जुन गावातील सरपंच पदाभोवती निर्माण झालेला गोंधळ अजूनही कायम आहे. सोमनाथ कणसे यांचे सरपंचपद न्यायालयाच्या आदेशानंतर रिक्त झाले होते. त्यानंतर जानेवारी 2025 मध्ये ग्रामपंचायत सदस्यांतून अजिंक्य टेकवडे यांची सरपंच म्हणून निवड झाली होती.
तथापि, या निवडीनंतर गावातील दोन गटांमध्ये वाद निर्माण झाला. ग्रामपंचायत सदस्यांच्या तक्रारीनंतर प्रकरण न्यायालय व विभागीय आयुक्तांकडे गेले. त्यातून 17 सप्टेंबर 2025 रोजी निकाल लागल्यानंतर पुन्हा सरपंचपदावर दावे–प्रतिदावे सुरू झाले.
दरम्यान, 19 सप्टेंबर रोजी झालेल्या ग्रामसभेत अजिंक्य टेकवडे यांची ग्रामसभेचे अध्यक्ष म्हणून निवड झाली. या परिस्थितीत गावात दोन सरपंच असल्याचा गोंधळ निर्माण झाला असून, विकासकामे ठप्प झाली आहेत.
ग्रामस्थांमध्ये आता उत्सुकता आहे की अखेरीस कायदेशीरदृष्ट्या जवळार्जुनचा खरा सरपंच कोण ठरणार, याबाबतचा निर्णय लवकरात लवकर व्हावा अशी अपेक्षा व्यक्त होत आहे.
